【Now.com】《全民造星II》出身、以爆炸頭為標誌的實力唱將曾比特（Mike）去年公布正式加盟英皇娛樂，近日推出全新廣東歌《雪出個未來》，正式回歸香港樂壇。他接受Now.com專訪，透露新歌是他一直想嘗試的「偏Rock少少Funk少少嘅風格」，更為自己定下目標，要一年出12首歌？又揚言最想與公司一部門合作！
談及加盟後首支作品《雪出個未來》，Mike形容這是自己一直想嘗試的「偏Rock少少Funk少少」的風格，更特別感謝製作團隊：「感恩大家願意同我一齊『癲』，包括公司、所有音樂人願意同我一齊玩盡呢件事！」他強調這首歌標誌著音樂路上的新突破。
問到新一年的音樂計劃，Mike自爆自己「好鍾意聽Rock」，會堅持將搖滾元素融入作品。不過他坦言：「我知道市場同喜歡呢樣嘢唔一定成正比，所以要喺度做個Balance。」他預告未來將推出「大家聽到會覺得舒服嘅歌」，也有「偏我自己喜歡風格嘅歌」。Mike又揚言：「我成日都話，一年如果可以同大家見面12次就最開心，即係代表一年有成12首歌！我會繼續努力！」他解釋，以往不少作品「未必係屬於自己」，現在希望累積足夠的原創歌曲，舉辦一個「完全屬於曾比特嘅Show」。
咁幾時會搞個人演唱會？從未在香港開騷的Mike透露：「最理想當然係2027啦！」他認為場地安排是一大挑戰，希望可以有更多原創歌趕上日程。至於在新公司最想合作的對象，曾揚言想與老闆楊受成合唱的他笑言：「老闆其實就應該唔會同我唱歌㗎啦，佢會同我訓話啫。」他指現時最想與公司一部門合作：「最想合作應該就係我哋嘅演唱會部門，同事收到啦！希望盡快同大家有個Crossover，跟住喺唔同地方開音樂會，再巡迴演唱會咁就最Happy啦！」
